MHAMIAJI ALIYENYIMWA HIFADHI UJERUMANI AJERUHI WATU 12 KWA BOMU

Mtu mwenye bomu amejilipua jana usiku karibu na tamasha la muziki nchini Ujerumani, likiwa ni tukio la tatu la mashambulizi yaliyomwaga damu katika wiki iliyomalizika.

Mwanaume raia wa Syria, mwenye umri wa miaka 27 aliyenyima hifadhi nchini Ujerumani, amewajeruhi watu 12, kwenye baa iliyojaa watu huko Anbach, karibu na Nuremberg.

Mhamiaji huyo ambaye jina lake halijafahamika mara moja alizuiwa kuingia kwenye tamasha la wazi lililokuwa na watu 2,500, kutokana na kutokuwa na tiketi.

Hata hivyo alienda katika eneo la baa iliyopo katika eneo hilo na kisha kulipua bomu lililotengenezwa kienyeji kwa vyuma na misumari, na kujeruhi watu 12 ambapo yeye alikufa.

                     Polisi akichunguza begi la mgongoni linaloshukiwa kuwa lilikuwa na bomu

                Watu wakiwa wametaharuki baada ya kutokea tukio hilo la mlipuko wa bomu