MIKOSI ZAIDI YAMUANDAMA KOFFI OLOMIDE BAADA YA KUMPIGA DANSA WAKE

Mikosi imezidi kumuandama mwanamuziki nyota barani Afrika Koffi Olomide baada ya tamasha lake la Zambia kufutwa kufuatia tukio la kumpiga dansa wake mwanamke Jijini Nairobi siku ya Ijumaa.

Msanii huyo Mkongo alipangiwa kufanya onesho katika maadhimisho ya 90 ya Jumuiya ya Kilimo na Biashara nchini Zambia.

Rais wa Kamati ya Maadhimisho hayo Ben Shoko amesema jana kufutwa kwa shoo Olomide kunafuatia kitendo chake cha kumpiga dansa wake kwenye uwanja wa ndege wa Kimataifa wa Jomo Kenyatta.

Koffi ‪Olomide aliondolewa kwa nguvu Kenya na kurejeshwa Jijiji Kinshasa, DRC baada ya kukamatwa Ijumaa na kulala ruamande katika kituo cha polisi cha uwanja wa ndege wa Kimataifa wa Jomo Kenyatta.