UTURUKI YAWASIMAMISHA KAZI MAAFISA WA ELIMU 15,200 KWA KUHUSIKA NA MAPINDUZI

Uturuki imewasimamisha kazi maafisa elimu 15,200 kwa tuhuma za kuwa na uhusiano na kiongozi wa kidini aishiyeukimbizini anayelaumiwa kwa kuhusika na jaribio la mapinduzi la wiki iliyopita.

Wizara ya Elimu imetoa tangazo hilo lakini halijaeleza wazi ni wakina nani haswa ndio waliosimamishwa kazi.

Hatua hiyo imekuja wakati Waziri Mkuu wa Uturuki Binali Yildirim akiapa kuwasaka wafuasi wa kiongozi wa Kiislam Fethullah Gulen hadi katika mizizi yao.

Gulen, ni kiongozi wa kidini ambaye anaishi nchini Marekani na amekanusha kuhusika na mapinduzi hayo yaliyoshindwa.