EDIN DZEKO NA MOHAMED SALAH WAIZAMISHA LIVERPOOL

Mshambuliaji wa zamanai wa Manchester City Edin Dzeko pamoja aliyekuwa straika wa Chelsea, Mohamed Salah wamefunga magoli wakati Roma ikiizamisha Liverpool kwa magoli 2-1.

Edin Dzeko alikuwa wa kwanza kufunga goli katika mchezo huo, hata hivyo Sheyi Ojo aliifungia Liverpool goli la kusawazisha kabla ya kumalizika kipindi cha kwanza na baadaye Mohamed Salah alifunga goli la ushindi katika kipindi cha pili.

Liverpool itavaana na Barcelona katika dimba la Wembley siku ya jumamosi, kabla ya kumaliza michezo yake ya kirafiki ya kujiandaa na msimu mpya wa ligi dhidi ya Mainz ya Ujerumani.

               Edin Dzeko akiachia shuti lililojaa wavuni na kuandika goli la kwanza 

                              Sheyi Ojo akifunga goli pekee la Liverpool katika mchezo huo

                                       Mohamed Salah akifunga goli la pili kwa timu ya Roma