WEST HAM YANAMNASA MSHAMBULIAJI SIMONE ZAZA

Timu ya West Ham ya Uingereza imeinasa saini ya mshambuliaji wa Italia Simone Zaza akitokea Juventus kwa mkopo wa msimu mzima wa kiasi cha paundi milioni 4.3.

Makubaliano hayo ya kumtwaa Zaza yanaweza kuwa ya kudumu na kufikia ada ya paundi milioni 17, na nyongeza ya milioni 2.5 kulingana na atakavyokuwa anashuka dimbani.

Usajili huo ni wa 11 kwa West Ham katika majira ya joto, na umefikisha kiasi cha paundi milioni 60 zilizotumika kwa usajili.

Zaza, 25, alijunga na Juventus Julai 2015 na alifunga magoli nane katika michezo 24 aliyocheza.