SERGIO AGUERO AIOKOA MANCHESTER CITY NA KUIPA USHINDI

Sergio Aguero ametikisa nyavu mara mbili wakati Manchester City ikitokea nyuma baada ya kufungwa goli moja na kuibuka na ushindi wa magoli 2-1 dhidi ya Burnley katika mchezo wa Ligi Kuu ya Uingereza.

Wenyeji Burnley walikuwa wapate penati, kabla ya kupata goli la kuongoza baada ya beki wa Manchester City Nicolas Otamendi kuokoa mpira vibaya na kumfikia kiungo Dean Marney aliyeachia shuti la yadi 25 na kujaa wavuni.

Manchester City walihangaika kurejesha goli hilo na alikuwa Sergio Aguero aliyeudokoa wavuni mpira baada ya mpira wa kona kumfikia. Goli hilo liliamsha ari kwa City ambapo krosi ya Fernandinho ilimkuta Aguero na kufunga goli la pili.

         Dean Marney akiwa ameachia shuti lililojaa wavuni na kuiandikia Burnley goli

     Sergio Aguero akishangilia na mchezaji mwenzake baada ya kufunga goli la ushindi