FC PORTO YAISHUSHIA KIPIGO CHA AIBU TIMU YA LEICESTER CITY

Timu ya Leicester City ambayo tayari imefuzu hatua ya mtoano katika Ligi ya Mabingwa Ulaya imejikuta ikipata kipigo cha aibu cha magoli 5-0 kutoka kwa FC Porto katika mchezo wa mwisho wa hatua ya makundi.

Timu hiyo iliyoshuka dimbani baada ya kuwa na uhakika wa kuwa ishasonga mbele katika kundi lao la G, kocha wake Claudio Ranieri alifanya mabadiliko ya wachezaji kumi ambayo yalimgharimu.

Timu ya Porto ambayo ilikuwa inahitaji kushinda ili isonge mbele ilipata magoli yake kupitia kwa Valente Silva, Jesus Corona, Yacine Brahimi, Silva akafunga tena kwa penati na kisha Teixeira da Silva kufunga la tano.

                         Valente Silva akiangalia mpira wake wa kichwa alioupiga ukitinga wavuni

               Jesus Corona akiwa amepiga mpira uliojaa wavuni na kuandika goli la pili