LIONEL MESSI NA LUIS SUAREZ WAANZA MAZUNGUMZO YA MIKATABA MIPYA

Mshambuliaji Lionel Messi ameanza mazungumzo na timu yake ya Barcelona kuhusiana na mkataba mpya, huku mshambuliaji mwenzake Luis Suarez akitarajia kutia saini mkataba mpya na klabu hiyo hadi 2022.

Mchezaji huyo wa Kimataifa wa Argentina Messi, 29, kwa sasa anamkataba na klabu hiyo hadi Juni 2018, na kocha wa Barca, Luis Enrique, amesema anafarijika kuwa mazungumzo yanaendelea vizuri.

Naye Suarez, 29, raia wa Uruguay anakaribia kuongeza mkataba wake wa kubaki Nou Camp, baada ya kushinda mataji mawili ya La Liga na kombe la Ligi ya Mabingwa Ulaya tangu ajiunge nao akitokea Liverpool mwaka 2014.