BAYERN MUNICH YAFANYA MAUAJI YA KIMBARI LIGI KUU YA UJERUMANI

Kocha wa Bayern Munich, Carlo Ancelotti amesherehekea mechi ya 1,000 akiwa kama kocha wakati timu yake ikiiaibisha Hamburg kwa magoli 8-0, huku Robert Lewandowski akifunga hat-trick.

Hadi mapumziko Bayern ilikuwa ikiongoza kwa magoli 3-0, yaliyofungwa na Arturo Vidal na Lewandowski aliyefunga goli la pili kwa mkwaju wa penati kabla ya kufunga goli lingine la tatu.

Mshambuliaji huyo raia wa Poland alifunga goli lingine baada ya mapumziko, huku David Alaba na Kingsley Coman wote wakifunga mara mbili, naye Arjen Robben akakamilisha karamu kwa kufunga goli la nane.

Kwa matokeo hayo Bayern inaongoza ligi hiyo kwa tofauti ya pointi tano ikifuatiwa na RB Leipzig katika nafasi ya pili iliyoifunga Cologne magoli 3-1.