MSHAMBULIAJI GARETH BALE AREJEA UWANJANI NA KUPACHIKA GOLI

Mshambuliaji Gareth Bale amefunga goli zuri wakati akirejea dimbani baada ya kuwa nje kwa muda wa miezi mitatu kutokana na kuwa majeruhi, na kuisaidia Real Madrid kuifunga Espanyol magoli 2-0.

Mshambuliaji huyo raia wa Wales aliingia dimbani katika kipindi cha pili akitokea benchi aliinasa pasi ya Isco na kutoka mbio mbele ya beki wa Espanyol, kisha kuachia shuti lililompita kipa Diego Lopez.

Katika mchezo huo ambao mshambuliaji nyota Cristiano Ronaldo hakufunga goli, Real Madrid walipata goli lao la kwanza kupitia kwa Alvaro Morata aliyefunga kwa mpira wa kichwa ulipogwa krosi na Isco.

Kwa ushindi huo Real Madrid inaongoza kwa tofauti ya pointi tatu dhidi ya Sevilla iliyonafasi ya pili ambayo iliifunga Eibar magoli 2-0. Barcelona iliyopo katika nafasi ya tatu inacheza leo na Leganes.

     Mchezaji Alvaro Morata akiupiga kwa kichwa mpira uliozaa goli la kwanza la Real Madrid

           Mshambuliaji Gareth Bale akiachia shuti lililojaa wavuni na kuandika goli la pili