SADIO MANE AISADIA LIVERPOOL KUTOKA KATIKA GUNDU LA KUFUNGWA

Sadio Mane ameibeba Liverpool na kuitoa katika kufanya vibaya hivi karibuni baada ya kufunga mara mbili ndani ya muda wa dakika mbili katika kipindi cha kwanza na kuizamisha Tottenham Hotspur kwa magoli 2-0.

Mshambuliaji huyo raia wa Senegal aliifanya timu ya Liverpool kuongoza alipokimbia na kuiwahi krosi ya Georginio Wijnaldum na kupachika goli wavuni katika dakika ya 16 ya mchezo huo.

Mane akaongeza goli la pili sekunde 138 tu baadaye kwa kujipinda na kuachia shuti la karibu kufuatia mpira uliokuwa ukizagaa katika goli la Tottenham, baada ya kipa Hugo Lloris kuzuia michomo ya Adam Lallana na Roberto Firmino.

                      Mshambuliaji Sadio Mane aliyechini akifunga goli la kwanza la Liverpool

                     Sadio Mane akijipinda kufunga goli la pili la Liverpool katika mchezo huo