CRISTIANO RONALDO AIPATIA REAL MADRID USHINDI DAKIKA ZA MWISHO

Cristiano Ronaldo amefunga goli la ushindi katika dakika za mwisho na kuifanya Real Madrid kusogea pointi saba nyuma ya vinara wa ligi ya La Liga Barcelona baada ya kuibuka na ushindi wa magoli 3-2 dhidi ya Malaga.

Ronaldo alifunga goli hilo baada ya kukutana na mpira uliookolewa na kurudi, ikiwa ni baada ya kukosa penati katika dakika ya 76, iliyookolewa na kipa wa Malaga Roberto Jimenez.

Katika mchezo huo Real iliongoza mara mbili kufunga lakini ikajikuta magoli yao yakirejeshwa mara mbili na wageni, hii ni baada ya Karim Benzema kufunga goli la kwanza na Casemiro la pili.

Timu hiyo inayonalewa na kocha Mfaransa Zinedine Zidane imejikuta ikishushwa hadi katika nafasi ya nne katika msimamo wa La Liga kwa tofauti ya magoli baada ya Atletico Madrid kuipiga Levante 5-0.

Mshambuliaji nyota duniani Cristiano Ronaldo akifunga goli la ushindi la Real Madrid dhidi Malaga