JOSE MOURINHO ASEMA BRIGHTON IMEWATOA JASHO LICHA YA KUIFUNAGA

Kocha Jose Mourinho amesema kuwa timu ya Brighton imeipatia Manchester United wakati mgumu mno kuliko michezo yote ya Ligi Kuu ya Uingereza ya msimu huu, baada ya kuibuka na ushindi kiduchu wa goli 1-0 katika dimba la Old Trafford.

Manchester United ilipata goli la bahati kufuatia Lewis Dunk kujifunga akijaribu kuokoa shuti kali lililopigwa na Ashley Young, na kuipatima United ushindi wa 11 mfululizo wakiwa nyumbani.

Katika mchezo huo Brighton ilikuwa imejilinda vizuri hadi pale Ashley Young alipojaribu kufunga kwa kuachia shuti lililomgonga Dunk na mpira ukapaa juu na kumpita kipa Mat Ryan na kutinga wavuni.

Winga wa Manchester United Ashley Young akiachia shuti lililozaa goli pekee latika mchezo huo

 Mshambuliaji wa Manchester United Zlatan Ibrahimovic akijaribu kuipenya ngome ya Brighton