BAADA YA KICHAPO CONTE ASEMA CHELSEA INAKIBARUA KIGUMU EPL

Kocha wa Chelsea Antonio Conte amekiri kuwa haitokuwa kazi rahisi kwa kikosi chake kumaliza katika nafasi ya nne katika Ligi Kuu ya Uingereza baada ya kufungwa magoli 2-1 na Manchester United.

Kwa matokeo hayo Chelsea imeporomoka hadi nafasi ya tato huku Tottenham ikikwea katika nafasi inayoweza kuipatia nafasi ya kucheza Ligi ya Mabingwa Ulaya baada ya kuifunga Crystal Palace jumamosi.

Katika mchezo huo Willian alikuwa wa kwanza kufunga goli, lakini goli hilo lilisawazishwa na Romelu Lukaku na Jesse Lingard ambaye aliingia akitokea benchi akafunga goli la pili la Manchester United na kurejea katika nafasi ya pili.

   Romelu Lukaku akifunga goli la kwanza la Manchester United dhidi ya timu yake ya zamani Chelsea

 Jesse Lingard akifunga kwa kichwa goli la pili la Manchester United kwa mpira wa krosi ya Romelu Lukaku