TOTTENHAM YATINGA RAUNDI YA TANO KOMBE LA FA

Tottenham Hotspur imetinga raundi ya tano ya michuano ya Kombe la FA kwa kupata ushindi kirahisi wa magoli 2-0 dhidi ya timu ya daraja la pili ya Newport County katika dimba la Wembley.

Spurs ilimuhitaji Harry Kane kufunga goli la kusawazisha katika dakika za mwisho na kutoka sare ya 1-1 katika mchezo wa kwanza, haikuonekana kukabiliwa na ushindani katika mchezo wa jana.

Magoli ya Tottenham yalifungwa na Dan Butler aliyejifunga wakati akijaribu kuzuia krosi ya Moussa Sissoko na kisha Erik Lamela akaihakikishia ushindi kwa kufunga goli la pili.

   Dan Butler akionekana kutahayari baada ya kujikuta akifunga kwenye goli lake

Mshambuliaji nyota wa Spur akifuatilia mchezo huo akiwa benchi baada ya kupumzishwa yeye na Christian Eriksen